《小三大聯盟The Other Woman》– 影評

前排睇左 “小三大聯盟” (The Other Woman)，感覺很不錯，因為好似已經有一段時間無睇愛情小品。

故事大綱:

火辣女律師卡莉（金美倫戴雅絲）決定卸下「情場交際花」的封號，專一地對待新男友馬克，沒想到對方「辣」女無數，劈腿當食家常便飯！卡莉於一次驚喜突擊檢查時，意外發現男友已婚，自己竟淪為「小三」，並與「大婆」凱特碰個正著。正所謂「寧得罪瘟神，莫得罪女人」，她倆把心一橫決定化悲憤為力量，聯手出陰招反擊好色負心男，卻沒想到劇情變本加厲，給她們再發現爛滾衰公暗嗒另一人間胸器――「小四」安芭！三個女人忍無可忍，銳意連成一線，展開史上最爆笑及強勁的復仇大計！「婦」仇者聯盟，男人咪身痕 ！

金美倫戴雅絲可以話係愛情小品戲嘅天后，細個就開始睇佢 XD，到依家，佢真係老左好多。只可以講，女人真係要keep。

講返套戲……其實愛情小品多數會係大團完結局，好睇之處在於過程，點樣做到好笑，而不失愛情嘅感覺。今次主題同現實好近，小三真係近年熱話。唔係話以前無，不過大家以往都會認為錯的係女人，但今次套戲以女人出發，有時做左人小三真係未必會知。當男人對愛情及家庭可以不忠到一個難以忍受的地步，其實做女人係可以反擊，做老婆的亦不必因為試著走出嚟。而戲中大婆神神化化的性格更帶來不少笑位。

戲另一個好看位係睇到女人嘅友情，明明就係大婆同2個小三，但因為一個男人，大家開始同情大家。其實每個位置嘅女人都有佢地自己嘅故事，點做同點去面對、解決先重要。