閒來無事睇Youtube，見到天后級 “玉女” 梁詠琪嘅最新短片，當堂醒一醒神，佢嘅歌曲例如”花火”、”高妹正傳” 等我哋都耳熟能詳，賀歲片「嚦咕嚦咕新年財」更係我哋嘅集體回憶，今次竟「豁出去」，破格搞笑演出 「畀母招親」呢條短片，唔只重現主演嘅「嚦咕嚦咕新年財」嘅經典場口，以前做新抱仔嘅佢，今次仲「升呢」做野蠻奶奶，演繹一場打麻雀挑機三位「準新抱」，Gigi嘅抵死表情同眼神，唔駛講太多對白都已經「笑死隔離」。
影片簡介
整條影片圍繞奶奶 (梁詠琪) 同新抱 (港女Cast) 喺麻雀枱上 “過招”，有紋、鬆、殘、乾唔駛旨意入門，個幾隻刻咗紋、鬆、殘、乾嘅麻雀真係誠意之作，畫龍點睛。 “腰” 中一眾 20+ 或30+ 女生怕老嘅心態，十分貼地搞笑。
片中3大驚喜位
1. 「紋、鬆、殘、乾」終極對決
片中將4大中女問題「紋、鬆、殘、乾」用麻雀方式表達，以誇張搞笑手法去包裝負面問題，令人一下子代入角色，內容同畫面都很有喜感，令人由心裡面笑出來。
2. 梁詠琪由「嚦咕嚦咕」新抱仔升呢做奶奶
梁詠琪首次在螢幕上挑戰野蠻奶奶角色，要求新抱 “牌品好” 先可入門，搞笑得來可愛，畀到觀眾好多驚喜同爆笑。由 2002 到依家 2018，事隔16 年再戰「嚦咕嚦咕新年財」番外編之「畀母招親」，梁詠琪可說是保養得宜，歲月除咗為佢增添成熟韻味，並無留下任何歲月痕跡。而由「嚦咕嚦咕新年財」受氣新抱仔角色到演到依家嘅野蠻奶奶呢個大逆轉係片中一大亮點。
3. 內容新鮮，估你唔到係廣告
「畀母招親」條片一直落都係講打麻雀嘅笑料，要笑到最後先知道係廣告，唔似一般廣告咁沉悶Hardsell。而且用年輕投資銀行 Concept 去包裝醫學美容嘅重要性，可說是非常創新突出。
再者，之前訪問都話梁詠琪很好抗拒做醫學美容，一來怕痛，二來擔心業界信譽問題，今次經再三翻查 CLINICZ 的口碑後，便決定接受代言邀請出演呢條片，可以話係就各種意義上玉女掌門人梁詠琪奉獻咗佢嘅第一次！
4. 10秒彩蛋，驚喜所在
Gigi梁詠琪在片尾大放「彩蛋」，以10秒內讀出80多個字，呼籲愛美人士尋求年輕醫學美容專家意見，十足似財經節目主播速讀免責聲明，全部一Take 過完成十分難得（我個人真心相信佢真係可以做到），大家可以自我挑戰一下。
所謂「人生如戲，戲如人生」，梁詠琪喺戲外係幸福少奶奶同媽媽，戲內係完美奶奶，戲外戲內同樣幸福滿瀉，演咩角色都無難度；而家仲拍緊「恭喜八婆」賀歲片同埋「導盲犬小Q」，早前又有「八個女人一台戲」，真係活力充沛，好彩Gigi真係Keep得到，不但外表年輕，身體仲好Fit添。！
5. 金句處處，句句腰心腰肺
片中笑中有淚地講出唔少中女嘅心聲 ，但又無提到個「老」字，反而用精警對白一邊笑一邊嚇你，心思值得一讚!!
「鬆？邊度鬆呀？你就鬆～」：好 ”腰” 得到中女最驚嘅事 ── 畀人話老咗，中女一聽到呢啲立即會反彈同畀反應。
「投資要趁早，女人點可以老」 ： 呢句Slogan 亦好中到佢哋心理，「靚比錢更重要」可以話係現代社會嘅正常心態。
笑片喺現代社會亦好有教育意義，就係「識開懷笑，先係人生贏家」。好多事，笑一笑就過，就好似片中新抱對野蠻奶奶嘅態度一樣。仲未睇？快啲上Youtube 睇片啦！
